आइतवार, आश्विन २५ गते २०८३
आइतवार, आश्विन २५ गते २०८३
शनिवार , आश्विन २४, २०८३
काठमाडौँ, असोज ।
विनाशकारी भोटेकोशी बाढीमा परी ज्यान गुमाउनेको सङ्ख्या एक हजार ४५७ पुगेको छ।
प्रहरी प्रधान कार्यालयका अनुसार शनिबार बिहान ६स्०० बजेसम्मको अध्यावधिक विवरण अनुसार बाढीमा परी गम्भीर घाइते भएका थप दुई जनाको काठमाडौँमा उपचारका क्रममा मृत्यु भएपछि मृतकको सङ्ख्या १,४५७ पुगेको हो।
हरीको विवरण अनुसार बाढीका कारण रसुवामा २३६, नुवाकोटमा २०५, धादिङमा ७३, चितवनमा ३६९, गोरखामा ८०, तनहुँमा ३८, नवलपरासी पूर्वमा २३२ र नवलपरासी पश्चिममा २२२ जनाले ज्यान गुमाएका छन्।
सङ्कलन गरिएका शवहरूको पहिचानका लागि डिएनए नमुना सङ्कलनलगायतका आवश्यक कानुनी तथा प्राविधिक प्रक्रिया पूरा गरी हालसम्म एक हजार ३३५ वटा शवको व्यवस्थापन गरिएको छ।
यद्यपि, एक हजार ४३८ शवको अझै पहिचान हुन सकेको छैन। बाढीपछि चार हजार ७२० जना नागरिक अझै बेपत्ता रहेकाले खोजी कार्य जारी राखिएको प्रहरीले जनाएको छ।
यसैबिच, बाढीका कारण विस्थापित भएका एक हजार २३१ जना नागरिकलाई विभिन्न जिल्लास्थित होल्डिङ सेन्टरहरूमा सुरक्षित रूपमा व्यवस्थापन गरिएको प्रहरी प्रधान कार्यालयले जानकारी दिएको छ।
