मंगलवार, भाद्र ९ गते २०८३
मंगलवार, भाद्र ९ गते २०८३
आइतवार , भाद्र ७, २०८३
तेहरान, भदौ ।
युद्धबिच इरानी नागरिक अहिले धेरै समस्यासँग जुधिरहेका इरानी राष्ट्रपति मसूद पेजेस्कियानले आइतबार स्वीकार गरेा छन । अमेरिकाले नयाँ प्रतिबन्धको श्रृङ्खला ल्याएर इरानको अर्थतन्त्रलाई थप सङ्कटग्रस्त बनाउन खोजेपछि उनको यो भनाइ सार्वजनिक भएको हो ।
' म बुझ्छु कि अहिले समाजमा धेरै समस्या छन् । हामी सकेसम्म यी समस्या रोक्न प्रयास गरिरहेका छौँ, पेजस्कियानले राष्ट्रिय टेलिभिजनमा प्रसारित एक भिडियो सम्बोधनमा भने ।
उनको यो टिप्पणी अमेरिकाले गत हप्ता इरानी शासनलाई ' पतन' तर्फ धकेल्ने लक्ष्यसहित नयाँ प्रतिबन्ध अभियान घोषणा गरेपछि आएको हो । दुई देशबिच युद्ध सुरु भएको करिब छ महिना बितिसकेको छ ।
उनले भने, अमेरिकी राष्ट्रपति डोनाल्ड ट्रम्पका कारण इरानले अहिले पूर्ण आर्थिक, सैन्य र सुरक्षा युद्ध को सामना गरिरहेको छ । ट्रम्प प्रशासनले इरानमाथि सबैभन्दा कडा र डर लाग्दो प्रतिबन्ध लगाइरहेको छ, पेजेस्कियानले भने ।
इरानी सरकारले पछिल्ला वर्षमा धेरै पटक ठूला जनप्रदर्शनको सामना गर्नुपरेको छ । यी प्रदर्शन प्रायः आर्थिक कठिनाइ मुद्रास्फीति र विनिमय दरको उतार चढावले क्रयशक्ति घटेका कारणबाट सुरु हुने गर्छन् ।
गत डिसेम्बरको अन्त्यतिर जीवनयापनको खर्च बढेपछि सुरु भएको विरोध प्रदर्शनले सत्ताविरुद्ध ठूलो दवाव दिएको थियो ।
हजारौँ प्रदर्शनकारीसहित सयौँ अधिकारीको पनि उक्त आन्दोलनका क्रममा मृत्यु भएको थियो । अधिकारिहरूले उक्त हिंसामा तीन हजारभन्दा बढी मानिसको मृत्यु भएको बताएका थिए र अमेरिका तथा इजरायललाई हिंसा उक्साएको आरोप लगाएका थिए ।
तर विदेशस्थित इरानी गैरसरकारी संस्थाले भने अधिकारीहरूले निर्दयी दमन गरेर हजारौँ मानिसको ज्यान लिएको दाबी गरेका थिए । हामी दिलदेखि प्रयास गरिरहेका छौँ कि मुद्रास्फीति, जीवनयापनका समस्या, बेरोजगारी जस्ता कुरालाई जित्न सकियोस् र जनताको भविष्य सुरक्षित होस्, ताकि उनीहरू सम्मान र गर्वका साथ बाँच्न सकून्, पेजेस्कियानले आइतबार भने । एएफपी
