सोमवार, आश्विन ५ गते २०८३
सोमवार, आश्विन ५ गते २०८३
आइतवार , जेठ १३, २०८१
काठमाडौँ, जेठ । आज बसेको प्रतिनिधिसभा बैठकमा सहकारी ठगलाई जोगाएर सरकारले लोकतन्त्रमाथि आक्रमण गरेको राष्ट्रिय जनमोर्चाका अध्यक्ष चित्रबहादुर केसीले बताएका छन् ।
आइतबारको प्रतिनिधिसभा बैठकमा सांसद तथा मोर्चाका अध्यक्ष केसीले सरकारको नीति तथा कार्यक्रममाथि संशोधन प्रस्ताव राख्दै सरकारले सहकारी ठगेर मुलुकलाई बर्बाद पार्नेहरूलाई जोगाउने षड्यन्त्र गरिरहेको बताए ।
अध्यक्ष केसीले सरकारको नीति तथा कार्यक्रमलाई आफ्नो पार्टीले समर्थन नगर्ने पनि बताए ।
‘सहकारीमा ठगेर मुलुकलाई बर्बाद पार्नेहरुलाई सत्तापक्षले जोगाउन जुनखालको षड्यन्त्र गरिराखेको छ, यो लोकतन्त्रमाथिको आक्रमण हो । गणतन्त्रमाथिको आक्रमण हो ।
त्यसकारणले सत्ताधारीको जुन दुर्दशा छ, यसको राष्ट्रिय जनमोर्चाले घोर विरोध गर्छ । र यो नीति, कार्यक्रमलाई समर्थन गर्दैन । विरोध गर्छ ।’
अर्थमन्त्री वर्षमान पुनले कांग्रेसको नाराबाजीबीच आर्थिक सर्वेक्षण पेस गरेका छन् ।
सभामुख देवराज घिमिरेले प्रतिपक्षीको विरोधबीच सरकारको नीति तथा कार्यक्रममाथिको छलफल अगाडि बढाएका छन् ।
