सोमवार, आश्विन ५ गते २०८३
सोमवार, आश्विन ५ गते २०८३
मंगलवार , पौष १९, २०७९
सुर्खेत, पुस । राष्ट्रिय प्रजातन्त्र पार्टीबाट कर्णाली प्रदेश सभा सदस्य सन्तोषी शाही ठकुरीले नेपालमा पहिचानको रुपमा हिन्दुराष्ट्र र अभिभावकको रुपमा राजसंस्था पूर्नस्थापना गर्न अग्रसर हुन सभामुख समक्ष आग्रह गरेकी छन् ।
कर्णाली प्रदेश सभाको दोस्रो कार्यकालको पहिलो बैठकमा बोल्दै उनले कर्णाली प्रदेश सभाबाट जनताको सेवा र बिकासका लागि पार्टीको आखाबाट नहेरी सबै एकढिक्का भएर अगाडी बढ्न समेत आग्रह गरिन् ।
सांसद शाहीले जनताबाट निर्वाचित भएका सबैलाई शुभकामना दिदै, नेपाल एकिकरणको घटना र सहिदहरुलाई सम्झदै सांसदको भूमिका निर्वाह गर्ने बचनबद्धता व्यक्त गरिन ।
पछिल्लो समय विदेशी हस्तक्षेप बढेको बताउँदै राजसंस्था हटाउने गलत निर्णयका कारण आज देशमा अस्थिरता बादलहरु ढगमगाईरहेको उनको भनाई छ । नेपालमा पहिचानको रुपमा हिन्दुराष्ट्र र अभिभावकको रुपमा राजसंस्था पूर्नस्थापना गर्न उनको जोड दिईन् ।
