सोमवार, आश्विन ५ गते २०८३
सोमवार, आश्विन ५ गते २०८३
शनिवार , माघ १, २०७८
ताप्लेजुङ, माघ । ताप्लेजुङको मेरिङ्देन गगाउँपालिकालाई साक्षर पालिका घोषणा गरिएको छ । गाउँपालिकाभित्र बसोबास गर्ने करिव साढे ९५ प्रतिशत जनसङ्ख्या साक्षर भएसँगै मेरिङ्देनलाई साक्षर घोषणा गरिएको हो ।
स्थानीय तहलाई साक्षर घोषणा गर्न सकिने मापदण्ड अनुसार गाउँपालिकामा बसोबास गर्दै आएका १५ वर्षमाथि उमेर समूहका ९५.३९ प्रतिशत जनसङ्ख्या साक्षर देखिएसँगै साक्षर पालिका घोषणा गरिएको हो ।
जिल्ला शिक्षा समिति संयोजक एवम् जिल्ला समन्वय समिति प्रमुख घनेन्द्र मादेनको उपस्थितिमा गाउँपालिका अध्यक्ष गणेशबहादुर लिम्बूले साक्षर पालिका घोषणा गरेका छन ।
गाउँपालिकाका शिक्षा अधिकृत भीमप्रसाद पौडेलका अनुसार गाउँपालिकाभरी १५ देखि ६० वर्ष उमेर समूहका आठहजार ७९६ जनसङ्ख्यामध्ये आठ हजार ३९१ जना साक्षर रहेका छन् ।
