सोमवार, आश्विन ५ गते २०८३
सोमवार, आश्विन ५ गते २०८३
शनिवार , मंसिर १०, २०७९
काठमाडौँ, मंसिर । पूर्वप्रधानमन्त्री एवं नेकपा (एकीकृत समाजवादी) का सम्मानित नेता झलनाथ खनालले चुनावमा धाँधली भएको आरोप लगाएका छन । इलाम क्षेत्र नं १ बाट वाम–लोकतान्त्रिक गठबन्धनका साझा उम्मेदवार खनालले चुनावमा धाँधली भएकाले पुनः मतदान हुनुपर्ने बताए ।
आज पत्रकारसँग कुरा गर्दै उनले भने, “सरासर धाँधली भएको छ । दुई हजार चार सय २४ मत खसेको मुचुल्का छ । यिनै बाकसमा गन्दा दुई हजार छ सय ९० मतपत्र फेला परेको छ । दुई सय ६६ मतपत्र बढी भेटियो ।”
उनले निर्वाचन ऐन अन्तर्गत त्यो कागजले मान्यता नपाउने जनाएका छन । पूर्व प्रम खनालले भने, “कसले छिरायो त्यहाँभित्र मुचुल्का कागज सही हो कि होइन ? निर्वाचन ऐन अन्तर्गत त्यो कागजले मान्यता पाउँदैन ।”
याे हेराैँ
https://demokhabar.com/posts/18662
हालसम्मको गणना अनुसार इलाम–१ मा नेकपा (एमाले) का महेश बस्नेतले दुई हजार चार सय ५५ मतान्तरले अग्रता लिएका छन । खनालले १६ हजार ८७ मत प्रप्त गर्दा बस्नेतले १८ हजार पाँच सय ४२ मत पाएका छन । क्षेत्र नं १ मा ५९ हजार नौ सय छमध्ये १७ हजार २५९ मत गणना हुन बाँकी छ । तर खनालले पुनः मतदानको माग गरेका छन ।
