सोमवार, आश्विन ५ गते २०८३
सोमवार, आश्विन ५ गते २०८३
एक साता मदिरा बिक्रीमा रोक लगाइने
मंगलवार , फाल्गुण १२, २०८२
काठमाडौँ, फागुन । निर्वाचन आयोगले प्रतिनिधिसभा सदस्य निर्वाचनका क्रममा अन्तर्राष्ट्रिय सीमा नाका ७२ घण्टा सिल गर्न सरकारसमक्ष सिफारिस गरेको छ ।
आयोगका सदस्य सगुन शमशेर जबरा नेतृत्वको उच्चस्तरीय निर्वाचन सुरक्षा समितिले फागुन २१ का लागि तय भएको निर्वाचनअन्तर्गत नेपाल(भारत र नेपाल(चीन सीमा नाका सिल गर्न सिफारिस गरिएको हो ।
भारतसँग नेपालको खुला सीमा छ । करिब १ हजार ८८० किलोमिटर लम्बाइमा नेपाल(भारत सीमा कायम छ ।
त्यसैगरी नेपाल(चीन सीमा नियन्त्रित अवधारणा अन्तर्गत छ । दुवै देशका नागरिक भिसा र सीमावर्ती जिल्लाका हकमा स्थानीय प्रशासनले जारी गरेको अस्थायी पासका आधारमा आवागमन गर्न पाइन्छ ।
आयोगले निर्वाचनका बेला अत्यावश्यक वस्तु तथा सेवाको हकमा जाँच गराएर र बाँकीको हकमा आवागमन पूर्ण रूपमा बन्द गराउन सिफारिस गरिएको हो ।
यसैगरी मतदान र अघि गरी एक साताका लागि देशभर मदिरा बिक्रीलाई समेत रोक लगाउन सिफारिस गरेको छ ।
मदिरा सेवन गरेर शान्ति सुरक्षामा खलल पुर्याउने, सामाजिक सद्भाव बिथोल्नेलगायत गतिविधि नियन्त्रणका लागि १ सातालाई बिक्री वितरण रोक लगाउन सिफारिस गरेको आयोगका प्रवक्ता नारायणप्रसाद भट्टराईले बताए
