बिहिवार, कार्तिक २० गते २०८३
बिहिवार, कार्तिक २० गते २०८३
शनिवार , जेठ १०, २०७७
काठमाडौं, जेठ । काठमाडौंको टोखामा आज (आइतबार) बिहानै आपसमा दुई मोटरसाइकल ठोक्किएका छन्। दुर्घटनामा दुवै चालकको मृत्यु भएको छ भने एक महिला गम्भीर घाइते भएका छन्।
महाराजगन्जस्थित महानगरीय प्रहरी वृत्तका डीएसपी उमेश लम्सालले नेपालखबरलाई दिएको जानकारीअनुसार प्रहरीका अनुसार बा ८५ प ५६६ को मोटरसाइकल र बा ९१ प ११८८ को मोटरसाइकल टोखा नगरपालिका-२, पञ्चेटारमा आइतबार बिहान साढे ५ बजेतिर ठोक्किएका हुन्।
दुर्घटनामा पहिलो मोटरसाइकलका चालक मनोज दुलाल र दोस्रो मोटरसाइकलका पासाङ तामाङको मृत्यु भएको हो। साथै दुर्घटनामा दुलालकी आमा वर्षकी मथुरा दुलाल गम्भीर घाइते भएको डीएसपी लम्सालले जानकारी दिए। ‘दुवै चालक २०-२२ वर्षका होलान्,’ डीएसपी लम्सालले भने, ‘मथुराचाहिँ ३५-४० वर्षकी होलिन्।’
घाइते मथुराकाे अहिले ग्रिनसिटी अस्पतालमा उपचार भइरहेको उनले बताए। उनका अनुसार तामाङ टोखा नगरपालिकाकै वडा नम्बर ९ का बासिन्दा हुन् भने दुलाल वडा नम्बर १ का बासिन्दा हुन्।
घटनाबारे अनुसन्धान भइरहेको प्रहरीले जनाएको छ।
