बिहिवार, कार्तिक २० गते २०८३
बिहिवार, कार्तिक २० गते २०८३
बिहिवार , बैशाख १८, २०७७
काठमाडौं, बैशाख । काेराेना भाइरस (काेभिड १९) काे सङ्क्रमणबाट बच्न अहिले देश नै लकडाउन छ । लकडाउनकाे समयमा अत्यावश्यक कामबाहेक घरबाहिर ननिस्कन आदेश दिइएकाे छ ।
तर लकडाउन उल्लङ्घन गर्ने क्रम भने राेकिएकाे छैन । शुक्रबार बिहानै काठमाण्डाै उपत्यकाका विभिन्न ठाउँबाट सात सयभन्दा धेरैलाई प्रहरीले हाेल्ड गरेकाे छ । लकडाउन उल्लङ्घन गरी हिँडेका सात सय २३ जनालाई प्रहरीले हाेल्ड गरेकाे हो ।
पाँच सय सात जनालाई काठमाण्डाैबाट, एक सय ३१ जनालाई ललितपुरबाट र पाँच जनालाई भक्तपुरबाट हाेल्ड गरिएकाे प्रहरीले जनाएको छ । यस्तै एक सय सात वटा गाडीलाई पनि प्रहरीले नियन्त्रणमा लिएको छ ।
लकडाउनको ३९ औँ दिन आज पनि अत्यावश्यक कामबाहेक घरबाहिर निस्किएकालाई प्रहरीले हाेल्ड गरेकाे हो । उनीहरुलाई कोरोना सङ्क्रमणले गर्ने असर र यसबाट बच्नको लागि घरभित्रै बस्न सुझाव दिएर दुई घण्टापछि प्रहरीले छाड्ने गरेको छ । तर अत्यावश्यक कामबाहेकका लागि निस्किएको गाडी भने बेलुकीमात्रै छाड्ने गरिएको छ ।
