सोमवार, आश्विन ५ गते २०८३
सोमवार, आश्विन ५ गते २०८३
मंगलवार , जेठ १२, २०८३
इरान, जेठ ।
अमेरिकाले फेरि हमला गरेपछि इरानका सर्वोच्च नेता मोज्तबा खामेनीले सार्वजनिक टिप्पणी गरेका छन् । इरानका सर्वोच्च खामेनीले लिखित सन्देश जारी गरेको बीबीसी फारसीले जनाएको छ ।
उक्त सन्देश सरकारी टेलिभिजनमार्फत पनि प्रसारण गरिएको छ। खामेनीको यो सन्देश अमेरिकाले गरेको पछिल्लो हमलापछि आएको हो ।
अमेरिकी सेनाले दक्षिणी इरानमा नयाँ हमला गरेको जनाएको छ, जसमा इरानी मिसाइल अड्डा तथा समुद्रमा बारूदी सुरुङ बिछ्याउने प्रयास गरिरहेका जहाजहरूलाई निशाना बनाइएको बताइएको छ ।
अमेरिकी सेन्ट्रल कमाण्डले जारी गरेको वक्तव्यमा यी हमला आत्मरक्षाका लागि गरिएको र इरानी बलबाट सैनिकहरूलाई हुन सक्ने खतरा रोक्नु यसको उद्देश्य रहेको उल्लेख गरिएको छ ।
मार्चमा सर्वोच्च नेता चयन भएपछि खामेनी सार्वजनिक रूपमा देखिएका छैनन् ।
अहिलेसम्म उनले लिखित बयान मात्रै जारी गर्दै आएका छन् । खामेनीले आफ्नो लिखित सन्देशमा खाडी क्षेत्रका देशहरू अब अमेरिकी सैन्य अड्डाका लागि ढाल नबन्ने बताएका छन् ।
उनले भनेका छन्, ' समयको चक्र अब पछाडि फर्किने छैन र यस क्षेत्रका देश तथा भूमि अब अमेरिकी अड्डाहरूका लागि ढाल बन्ने छैनन् ।'
उनले थप भने, ' अमेरिका दिन प्रतिदिन आफ्नो पुरानो हैसियतबाट टाढिँदै गएको छ । आफ्नो सन्देशमा खामेनीले इजरायलको पनि उल्लेख गरेका छन् ।
उनले भनेका छन्, ' अस्थिर जायोनी शासन र इजरायल आफ्नो दुर्भाग्यपूर्ण अस्तित्वको अन्तिम चरणमा पुगेका छन् ।' यस लिखित सन्देशमा खामेनीले १० वर्षअघि आफ्ना पिताले दिएको बयान सम्झाउँदै इजरायलले ‘२५ वर्षपछिको इतिहास देख्न नपाउने बताएका छन् ।
