सोमवार, आश्विन ५ गते २०८३
सोमवार, आश्विन ५ गते २०८३
शनिवार , चैत्र ७, २०८२
सिन्धुली , चैत । शुक्रबार साँझदेखि परेको अविरल वर्षासँगै आएको बाढीका कारण बनेपा - सिन्धुली - बर्दिवास -बीपी) राजमार्ग अवरुद्ध भएको छ।
प्रहरी कार्यालय सिन्धुलीका प्रमुख एवम् एसपी लालध्वज सुवेदीका अनुसार वर्षासँगै रोशी खोलामा आएको बाढीले अस्थायी डाइभर्सन बगाएपछि राजमार्गको नेपालथोक- भकुण्डेबेसी सडक खण्ड अवरुद्ध भएको हो।
बिहान साँढे तीन बजेदेखि नेपालथोक - भकुण्डेबेसी खण्ड अन्तर्गत काभ्रेको रोशी गाउँपालिका ११ कालढुंगा र दाउन्नेमा रोशीमा आएको बाढीले क्षति पुर्याएको छ।
रोशी खोलाको पानीको बहाव बढी सडकमा समेत क्षति पुगेपछि बिपी राजमार्ग हुँदै काठमाडौंतर्फ हिडेका सवारीलाई सिन्धुलीमाढी, दुम्जा र नेपालथोकमा होल्ड गरिएको प्रहरीले जनाएको छ।
यस्तै काठमाण्डौबाट पूर्व तर्फ आउँदै गरेका सवारीलाई भकुण्डेबसीमै रोखिएको छ।
सिन्धुलीको दुम्जा प्रहरी चौकीमा २५- ३० वटा सवारी र सिन्धुली चेकपोष्टमा १२- १३ वटा सवारी साधन होल्डमा राखिएको प्रहरी प्रमुख सुवेदीको भनाई छ।अवरुद्ध राजमार्ग खुलाउन आवश्यक पहल थालिएपनि सडक सञ्चालन हुन केही समय लाग्ने बताइएको छ। - अन्नपूर्णबाट
