सोमवार, आश्विन ५ गते २०८३
सोमवार, आश्विन ५ गते २०८३
शुक्रवार , चैत्र ६, २०८२
कालीकोट, चैत । कालीकोटको पहाडी क्षेत्रमा हिमपात हुन थालेपछि चिसो बढेको छ । डाँडामा हिमपात हुँदा जनजीवन प्रभावित बनेको हो । जिल्लाको विभिन्न डाँडाकाँडा तथा लेकाली बस्तीहरू सेताम्य बनेका छन् भने चिसो बढेको छ ।
स्थानीय हिमाल केसीका अनुसार लगातार परेको हिमपातका कारण लेकाली क्षेत्र लाता जाखुणा लगायत क्षेत्रमा हिमपात भएको छ । हिमपातले पशु बस्तुको गोठ खर्कमा आवत–जावतमा कठिनाइ भएको छ ।
गाईबस्तु, भेडा बार्खाको बासस्थान हिउँले ढाकिँदा पशु चौपाया प्रभाबित भएका छन् । चिसोले गोठालो मारमा परेका छन् । कतिपय स्थानमा हिउँसँगै पानी असिना परेको छ ।
रास्कोट २ का जंगवहादुर खड्काले ठाँडामेला चणिपानी क्षेत्रमा हिमपात हुँदा चिसो भएको भेडा चरणमा समस्या भएको बताए ।
लेकाली क्षेत्रमा हिमपात भएपछि चिसो बढेकाले बालबालिका, वृद्धवृद्धा तथा बिरामीहरू समस्यामा परेको स्थानीयको भनाइ छ ।यसैबिच, हिमपातले एकातिर जनजीवन कष्टकर बनाए पनि अर्कोतर्फ प्राकृतिक सौन्दर्य बढेको छ । - गोरखापत्रबाट
