सोमवार, आश्विन ५ गते २०८३
सोमवार, आश्विन ५ गते २०८३
'राजनीतिक पार्टी फुटाउने षड्यन्त्र : देश र जनताको हितविरुद्ध'
मंगलवार , बैशाख ९, २०७७
काठमाडौं, बेशाख । सरकारले सोमबार ल्याएको राजनीतिक दलसम्बन्धी र संवैधानिक परिषदसम्बन्धी अध्यादेश राजनीतिक पार्टी फुटाउने षड्यन्त्र गर्न ल्याएको समाजवादी पार्टीले बताएकाे छ ।
अध्यक्ष उपेन्द्र यादवले मंगलबार विज्ञप्ति जारी गरी राजनीतिक पार्टीलाई सत्ता–शक्ति, पद र आर्थिक चलखेल गरी फुटाउने षड्यन्त्र गर्न अध्यादेश ल्याइएको टिप्पणी गरेका हुन् । ‘यसले मुलुकमा राजनीतिक अस्थिरता ल्याउने र लोकतन्त्रलाई समाप्त पारी देशलाई नै ठूलो दुर्घटना पार्ने देखिन्छ,’ यादवले विज्ञप्तिमा भनेका छन्
कोरोना महामारीबाट जनताको जीवनको रक्षा गर्दै लोकतन्त्रको रक्षा र राष्ट्रिय हितका लागि सरकारी कदमको विरोध गर्न पनि समाजवादी पार्टीले आग्रह गरेको छ ।
सरकारले सोमबार राजनीतिक दलसम्बन्धी दोस्रो संशोधन अध्यादेश र संवैधानिक परिषदको काम कर्तव्य अधिकार र कार्यविधिसम्बन्धी पहिलो संशोधन अध्यादेश ल्याएको थियो । राजनीतिक दलसम्बन्धी अध्यादेशले दल विभाजन गर्न पार्टीको केन्द्रीय समितिको ४० प्रतिशत वा संसदीय दलको ४० प्रतिशतमध्ये एउटा पुग्ने व्यवस्था गरेको छ ।
