सोमवार, आश्विन ५ गते २०८३
सोमवार, आश्विन ५ गते २०८३
' मनसुन बाहिरिने पूर्वनिर्धारित मिति अक्टोबर २ अर्थात् बुधबार रहेको थियो '
बिहिवार , आश्विन १७, २०८१
काठमाडौँ, असोज । नेपालबाट मनसुन बाहिरिने मिति थप पछाडि धकेलिएको छ ।
मनसुनी न्यूनचापीय रेखा नेपाल आसपास कायम रहेकाले पनि यो वर्षको मनसुन बाहिरिन अझै करिब एक साता लाग्ने देखिएको मौसम पूर्वानुमान महाशाखाले जनाएको छ ।
मनसुन बाहिरिने पूर्वनिर्धारित मिति अक्टोबर २ अर्थात् बुधबार रहेको थियो । भारत हुँदै नेपालमा मनसुन भित्रिए जस्तै भारतबाट नेपालतिर सुक्खा मौसम सर्दै आएर मनसुन बाहिरिने गर्छ ।
भारतको पश्चिमी भेगतिर मात्र मनसुन बाहिरिने तरखरमा रहेकाले पनि त्यो मौसमी चक्र नेपालसम्म आइपुग्न पाँचदेखि सात दिनसम्म लाग्ने मौसमविद् प्रतिभा मानन्धरले सञ्चारकर्मीलाई बताएकी छिन ।
उनले भने, “मनसुन सकिइहाल्ने सम्भावना छैन तर कमजोर भने बनेको छ ।”
नेपालको पश्चिमी भूभागमा देखिएको हल्का सुक्खा मौसमले मनसुन अब धेरै दिन नेपालमा नरहने सङ्केत भने गरेको उनले जानकारी दिए ।
तथापि अझै एक साता जति मध्य र पूर्वी नेपालमा मनसुनको वर्षा गराउने प्रणाली सक्रिय छ ।
