सोमवार, आश्विन ५ गते २०८३
सोमवार, आश्विन ५ गते २०८३
बुधवार , पौष २३, २०८२
काठमाडौँ, पुस । राष्ट्रिय सभामा माओवादीसँग सिट संख्यामा सहमति जुट्न नसकेपछि एमाले, कांग्रेस र मधेशी दलबीच मात्रै नयाँ समिकरण बनेको छ । तर माओवादीभित्रको आन्तरिक समिकरण मिलाउन न्यूनतम ४ सिट आवश्यक पर्ने माग आएपछि सहमति हुन सकेन ।
तालमेलपछि कांग्रेसले ९, एमालेले ८ र जसपा लोसपाले १ सिट पाउने गरी नयाँ सहमति भएको हो । लोसपाबाट महन्थ ठाकुरको नाम सिफारिस भएको छ ।
यसैबीच, आज बिहान बसेको कांग्रेस केन्द्रीय कार्यसम्पादन समितिको बैठकले राष्ट्रिय सभाका उम्मेदवारसमेत टुंगो लगाएको छ ।
कहाँबाट को सिफारिसमा परे :
कोशी प्रदेश : सुनिलबहादुर थापा
मधेश प्रदेश : धर्मेन्द्र पासवान र कर्ण रञ्जित
वाग्मती प्रदेश : गीता देवकोटा
गण्डकी प्रदेश : जगत तिमिल्सेना
लुम्बिनी प्रदेश : चन्द्र केसी र बासुदेव जंगली
कर्णाली प्रदेश : ललितजंग शाही
सुदूरपश्चिम प्रदेश : खम्बबहादुर खाती
राष्ट्रियसभा सदस्य निर्वाचनका लागि आज देशभर उम्मेदवारको मनोनयन हुँदैछ ।
निर्वाचन आयोगले आगामी माघ ११ गतेका लागि राष्ट्रियसभा सदस्य निर्वाचन गर्दैछ । राष्ट्रियसभामा रिक्त हुने कूल १८ सदस्यका लागि निर्वाचन हुन लागेको हो ।
आयोगले यसअघि यही पुस १९ गते मतदाता नामावली प्रकाशन गरिसकेको छ ।
यस्तै, मङ्गलबार मतदाता नामावलीमा कुनै दावी विरोध भए नभएको यकिन गरी अन्तिम मतदाता नामावली पनि सार्वजनिक गरिसकेको छ ।
