सोमवार, आश्विन ५ गते २०८३
सोमवार, आश्विन ५ गते २०८३
बुधवार , चैत्र १९, २०७६
१
प्रक्रिति र प्राणी बरु धुमधाम नै रमायो
तर मानवता भने खै कति पो लरखरायो
नत हेर्न पायो उसले यो पटकको वसन्त
सारा जगत सुनसान कोरोनाले बनायो
२
तर योजगतका मानवहरुलाई पो यसले
असल मानवबाट ईश्वर भनेरनै चिनायो
मानवतामा हाँस र मानवतामामात्र बाँच
फेरि पाइदैन सुन्दर जीवन भनि बुझायो
३
कोरोनाको प्रेटिन खराव कति डरलाग्दो
हरपल छ यो राक्षस मानव श्वास ताक्दो
सायद मानवलाई सचेत पार्न पो हो कि
मान्छे भन्दा शक्तिशाली अर्को बुझायो
४
पिडा किन दिन्छौ मानवभै मानवतालाई
अहंकारले भरिन्छौ सानो भनि अरुलाई
कृतघ्न बन्ने बानी छाड्न नसक्ने मानिस
समानताको पाठ पढ भन्छ है हामीलाई
५
असल मानिस हुनु सबैको हितमा बाँच्नु
जाल,झेल नगर्नु सबैको भलाई शोच्नु !
कपटिको पाशा बिछ्याएर हिड्यौ भने
सोही जालमा आफु पर्छौ यति त बुझ्नु
!!६
सक्छौ असल बन र मानव हितमा चल
अनन्त बाँच्न पाइन्न यो कुरा साँच्चै बुझ
किन यति हत्ते हाल्छौ ठुलो मानिस बन्न
कर्म सजाई असल कर्म प्राणीमा बाँढ !
७
हितको मित्र बन तिमी असल कर्म शोच
यति सुन्दर लोभ लाग्दो जीवनलाईबुझ
कर्म गरि सजाऊ तिमी धरा र धर्तीलाई
विश्व मानव बन तिमी घरै मान पृथ्वीलाई !!
शुभ
