आइतवार, कार्तिक २३ गते २०८३
आइतवार, कार्तिक २३ गते २०८३
भारतीय प्रधानमन्त्री नरेन्द्र मोदीसँग भेट्दै
शुक्रवार , फाल्गुण २३, २०७६
एजेन्सी, फागुन । चौधरी ग्रुपका अध्यक्ष विनोद चौधरीले टाईम्स अफ इन्डियाद्वारा आयोजित ‘ग्लोबल विजनेश समिट’लाई सम्बोधन गर्ने भएका छन् । विश्वकै प्रतिष्ठित कार्यक्रममध्येको एक उक्त समिट अाज र भाेली नयाँ दिल्लीमा आयोजना हुँदैछ ।
समिटको समुद्घाटन भारतीय प्रधानमन्त्री नरेन्द्र मोदीले गर्ने कार्यक्रम रहेको छ । टाइम्स अफ इण्डियाका अनुसार उक्त कार्यक्रममा मोदी सरकारका सातजना वरिष्ठ मन्त्रीहरूले सम्बोधन गर्ने कार्यक्रम छ ।
रक्षामन्त्री राजनाथ सिंह, वित्तमन्त्री निर्मला सितारमण, विदेशमन्त्री एस जयशंकर, बाणिज्य तथा रेलमन्त्री पियुस गोयल, टेक्सटाईल मन्त्री स्मृती इरानी, नागरिक उड्ययनमन्त्री हरदीप पुरी र उर्जा मन्त्री आरके सिंहले समिटलाई सम्बोधन गर्ने कार्यक्रम रहेको छ ।
टाईम्स अफ इन्डियाले आज प्रकाशित गरेको समाचार अनुसार विश्वविख्यात कम्पनीका प्रमुख कार्यकारीहरू एवं विश्वमा विजनेश, टेक्नोलोजी र सामाजिक क्षेत्रमा विशेष योगदान पुर्याएका व्यक्तित्वहरू ग्लोबल विजनेश समिटका विशेष आकर्षणका रूपमा रहनेछन् ।
समिटमा ‘न्यू किङ अफ वाल स्ट्रिट’का रूपमा परिचित स्टेफेन स्क्वार्जम्यानले दिगो विकास कसरी गर्ने भन्ने विषयमा बोल्नेछन् । महिला सशक्तीकरणको मुद्दालाई सशक्त रूपमा उठाउने अनेक अभिन्तामध्ये शेर्ल ब्लेयरको नाम विशेष छ ।
उनी पनि यस समिटको विशेष आकर्षण हुनेछिन् । ध्यान पूर्वीय दर्शनको अभिन्न अंग हो । त्यही ध्यानलाई नयाँ प्रविधिसँग जोडेर स्वस्थ समाज निर्माणमा लागिपरेका ‘हेडस्पेस’का सह–संस्थापक एन्डी पुडिकम्बले स्थिर र शान्त रहन सिकाउनेछन् ।
र, आउन लागेको अस्थिर दशकको व्यापार व्यवसायबारे बोल्न भारतका शीर्ष सीईओहरू अजय पिरामल, सुनिता रेड्डी र सुनील मञ्जलसँगै रोनी स्क्रुवाला, बोस्टन कन्सल्टिङ ग्रुपका एसिया–प्यासिफिक प्रमुख नीरज अग्रवाल र नेपालका एकमात्र अर्बपति विनोद चौधरी रहने इकोनोमिक टाईम्सले जनाएको छ ।
अध्यक्ष चौधरीले अाज साँझ भारतीय प्रधानमन्त्री नरेन्द्र मोदीलाई समेत भेट्ने कार्यक्रम रहेको टाइम्स अफ इण्डियाले जनाएको छ । भारतीय प्रधानमन्त्री मोदीसँग गुजरातका मुख्यमन्त्री हुदादेखि नै अध्यक्ष चौधरीको निकट सम्वन्ध रहदै आएको छ ।
साभार ः हाम्ाकुरा
