आइतवार, कार्तिक २३ गते २०८३
आइतवार, कार्तिक २३ गते २०८३
१ वर्षका लागि निश्चित कर्जाहरुकाे स्थिर ब्याजदर
बुधवार , माघ १५, २०७६
काठमाडौं, माघ। बैंकहरुले बुधबारदेखि नै ‘फिक्स्ड ब्याजदर’ नीति कार्यान्वयनमा ल्याएका छन् । बुधबार ३ वाणिज्य बैंकहरुले नयाँ ब्याजदर सार्वजनिक गरे । लक्ष्मी बैंक, प्रभु बैंक र नेपाल इन्भेष्टमेन्ट बैंकमध्ये इन्भेष्टमेन्ट बैंकले फिक्स्ड ब्याजदर तोकेका छन ।
संघमा छलफल हुँदै
फिक्स ब्याजदरको विषयमा उद्योगी व्यवसायीहरुले आवज उठाउदै आएका थिए । बैंक तथा वित्तीय संस्थाले आफूले दिने निक्षेपको ब्याजदर भने स्थिर राख्ने तर आफूले पाउने कर्जाको ब्याजदर भने बढाएको भन्दै व्यवसायीले विरोध गर्दै आएका थिए ।
गत साल कर्जाको ब्याजदर धेरै बढाएको भन्दै उद्योगी व्यवसायीहरु सडकमै उत्रिएका थिए । त्यसपछि प्रधानमन्त्रीसम्म कुरो पुगेर अहिले यो समस्या समाधान जस्तै बनेको छ ।
तर दीर्घकालीन समस्या समाधान भने नभएको भन्दै अर्थमन्त्रीले फिक्स ब्याजदरको कुरा उठाएका थिए । यस विषयमा वाणिज्य बैंकका प्रमुख कार्यकारी अधिकृत (सीईओ)हरुको छाता संस्था नेपाल बैंकर्स संघले भने निर्णय गरिसकेको छैन ।
संघका कार्यकारी प्रमुख अनिल शर्माले केहि अनौपचारिक छलफल भए पनि के-कसरी अघि बढ्ने भन्ने निर्णय नभइसकेको उनले बताएका छन । उनले यस विषयमा संघमा छलफल हुने तयारी भइरहेको उनले बताए ।
‘सुझाव कार्यान्वयन भयो, खुसी लाग्यो’
बैंकहरुले मनपरी ब्याजदर बढाएको भन्दै विशेष गरेर गत वर्ष प्रदेश एकको विरानटरमा विरोध भयो । उद्योग संगठन मोरङका अध्यक्ष भीम घिमिरेको नेतृत्वमा उद्योगी/व्यवसायीहरुको टोली सडकमा उत्रियो ।
ब्याजदर विरुद्धको आन्दोलनको नेतृत्व गरेका घिमिरेले बैंक तथा वित्तीइ संस्थाहरुलाई ‘नवसामन्तवाद’ भएको भन्दै चर्को आलोचना गरेका थिए । स्थिर ब्याजदर कार्यान्वयनमा आएकोमा घिमिरेले खुसी व्यक्त गरे ।
एक साताअघि अर्थमन्त्रीसँग विरानटरमै छलफल भएको र छलफल अनुसार नै कार्यान्वयन समेत भएको भन्दै उनले अर्थमन्त्री र सरकारलाई धन्यबाद दिए ।
‘अर्थमन्त्रीसँग विशेष गरेर ब्याजदरको विषयमा २ वटा कुरा भएको थियो, एउटा कसरी हुन्छ कम गर्ने र अर्को ३ वर्षसम्म ब्याजदर घटबढ नगर्ने’ उनले भने, ‘अर्थमन्त्री ज्यूकै कारण यो शुरु भएको हुनुपर्छ, धेरै खुसी लाग्यो ।’
