images
Logo

बिहीबार , असोज २० २०७९Oct 06 2022

images
स्वास्थ्य मन्त्रालय 

स्वास्थ्य मन्त्री खापुङले भने : ‘डेङ्गु नियन्त्रण गर्न  ‘खोज र नष्ट गर’ अभियान सञ्चालन’

स्वास्थ्य मन्त्री खापुङले भने : ‘डेङ्गु नियन्त्रण गर्न  ‘खोज र नष्ट गर’ अभियान सञ्चालन’

बिहीबार , असोज ६ २०७९

  • 305
    SHARES

  • स्वास्थ्य मन्त्री खापुङले भने : ‘डेङ्गु नियन्त्रण गर्न  ‘खोज र नष्ट गर’ अभियान सञ्चालन’


    काठमाडौँ, असोज । स्वास्थ्य तथा जनसङ्ख्यामन्त्री भवानीप्रसाद खापुङले डेङ्गु रोग नियन्त्रण गर्न देशभर ‘खोज र नष्ट गर’ अभियान सञ्चालन गरिएको बताएका छन ।  डेङ्गु नियन्त्रण गर्न स्वास्थ्य मन्त्रालयअन्तर्गत महाशाखा प्रमुखको नेतृत्वमा स्थानीय तहसँगको समन्वयमा वडासम्म नै उक्त अभियान सञ्चालन गरिएको उनले स्पष्ट पारे । 

    रिपोर्टर्स क्लब नेपालमा आयोजित पत्रकार सम्मेलनमा मन्त्री खापुङले भने,  “सबैभन्दा धेरै जनतासँग जोडिने स्थानीय तहको पनि वडामा जनप्रतिनिधिको नेतृत्वमा ‘खोज र नष्ट गर’ अभियान सञ्चालन गर्न सकेमा अझ बढी प्रभावकारी हुने हाम्रो बुझाइ छ । सोही अनुसार नियन्त्रणका लागि अगाडि बढेका छौँ ।”

    प्रत्येक शनिबारको बिहान उक्त अभियान सञ्चालन गर्न आमनागरिकलाई पनि आह्वान गर्दै आएको उनले सुनाए ।  “आफ्नो घर, छर–छिमेक, गमला, खाल्डाखुल्डी, पानी जमेका ठाउँ खोजेर नष्ट गर्ने अभियानमा सहभागिता जनाउन मन्त्रालयबाट सम्पूर्णलाई आह्वान गरिएको छ”, उनले भने । 
    डेङ्गु नियन्त्रणका लागि विद्यालय, होटल एशोसिएशनसँग छलफल गरेर अभियान सञ्चालन गर्नेबारे छलफल भइरहेको उनको भनाइ छ । डेङ्गुका बिरामीलाई उपचार गर्न सबै अस्पताल ‘अपडेट’ गराएको उनले जानकारी दिएका छन ।  
    सिटामोल अभावबारे औषधि उत्पादकसँग पटकपटक छलफल गरिएको र बजारमा औषधि अभाव हुन नदिन समझदारी निर्णय भएको उनले स्पष्ट पारेका छन ।  डेङ्गु रोग नियन्त्रणका लागि जनचेतना अभियान सञ्चालन भएका छन ।  

    डेङ्गुले बिहान र बेलुका बढी टोक्ने भएकाले विशेष गरि दिउँसो शरीर ढाक्ने लुगा लगाउन आग्रह गर्दै उनले भने,  “लामखुट्टे नियन्त्रण गर्नु यसको सबैभन्दा पहिलो उपाय हो । घर बाहिर निस्कदा, यताउता हिँड्दा पूरै जीउ ढाक्ने लुगा लगाउनुपर्छ, सकेसम्म आफैँ सचेत हुनुपर्छ ।” 

    बिहीबार , असोज ६ २०७९०७:२७:१४

    डेमो खबर

    सम्बन्धित समाचार