images
Logo

मंगलबार, असार १४ २०७९Jun 28 2022

images

'विज्ञान र प्रविधिको विकासविना समृद्धि सम्भव छैन' : मुख्यमन्त्री राउत

'विज्ञान र प्रविधिको विकासविना समृद्धि सम्भव छैन' : मुख्यमन्त्री राउत

बिहीबार , असार ९ २०७९

  • 81
    SHARES

  • 'विज्ञान र प्रविधिको विकासविना समृद्धि सम्भव छैन' : मुख्यमन्त्री राउत

     

    जनकपुर, असार । मधेस प्रदेशका मुख्यमन्त्री लालबाबु राउतले विज्ञान र प्रविधिको विकासविना मुलुकको समृद्धि सम्भव नरहेको बताउनुभएको छ । जनकपुरधाममा आजदेखि सुरु भएको युवा वैज्ञानिक सम्मेलनको उद्घाटन गर्नुहुँदै मुख्यमन्त्री राउतले अहिलेको युगमा विज्ञान प्रविधिको विकास नै विकास र समृद्धिको मूलआधार भएकाले यसको विकासविना मुलुक समृद्ध हुन नसक्ने बताउनुभयो ।

    images

    समाजमा व्यापक रहेको गरिबी र बेरोजगारीको अन्त्यका लागि प्राविधिक शिक्षा आवश्यक रहेकामा जोड दिनुुहुँदै उहाँले विकास र समृद्धिका लागि प्राविधिक शिक्षालाई प्राथमिकता दिनुपर्ने बताउनुभयो ।

    विज्ञान र प्रविधिको विकासका लागि प्रदेश सरकारले आफ्नो क्षमताले भ्याएसम्म कामकाजलाई अघि बढाएको उल्लेख गर्नुहुँदै मुख्यमन्त्री राउतले राज्यको केन्द्रिकृत मानसिकताका कारण विज्ञान र प्रविधिको यथोचित विकास हुन नसकेको आरोप लगाउनुभयो ।

    विज्ञान प्रविधिको विकासलाई गति दिन प्रदेश सरकारले कक्षा १२ मा अध्ययनरत छात्रालाई ल्यापटप वितरण गर्न लागेको मुख्यमन्त्री राउतको भनाइ थियो । कार्यक्रममा मधेस प्रदेश सरकारका महिला, बालबालिका, युवा तथा खेलकुदमन्त्री वीरेन्द्र सिंहले विज्ञान र प्रविधिको विकासका लागि प्रदेश सरकार प्रतिबद्ध रहेको बताउनुभयो ।

    राष्ट्रिय युवा परिषद्ले हरेक वर्ष गर्दै आएको राष्ट्रिय युवा वैज्ञानिक सम्मेलन यसपटक मधेस प्रदेशको राजधानी जनकपुरधाममा आयोजना गरिएको छ । नयाँ वैज्ञानिक आविष्कार, अनुसन्धान र नवप्रवर्तनको क्षेत्रमा युवालाई प्रोत्साहन गर्ने उद्देश्यले आयोजित सम्मेलनमा सम्मेलनमा सातवटै प्रदेशका करिब १५० जना सहभागिता रहेकोे राष्ट्रिय युवा परिषद्का कार्यकारी उपाध्यक्ष सुरेन्द्र बस्नेतले जानकारी दिनुभयो ।

    जनकपुरधामको मुझेलियास्थित होटल राजदरबारमा दुई दिनसम्म चल्ने सम्मेलनमा विभिन्न विश्वविद्यालय तथा कलेज र अनुसन्धानकर्ताको सहभागिता उपाध्यक्ष बस्नेतले बताउनुभयो । रासस

    बिहीबार , असार ९ २०७९०८:४४:५६

    डेमो खबर डेस्क

    सम्बन्धित समाचार