images
Logo

मंगलबार, असार १४ २०७९Jun 28 2022

images
अमेरिकाको स्टेट पार्टनरसीप प्रोग्राम (एसपिपी

मन्त्रिपरिषद् बैठक निर्णय : ' एसपिपी अघि नबढाउने, कूटनीतिक सम्बन्धका पत्राचार परराष्ट्रमार्फत'

मन्त्रिपरिषद् बैठक निर्णय : ' एसपिपी अघि नबढाउने, कूटनीतिक सम्बन्धका पत्राचार परराष्ट्रमार्फत'

मंगलबार, असार ७ २०७९

  • 309
    SHARES

  • मन्त्रिपरिषद् बैठक  निर्णय   :  ' एसपिपी अघि नबढाउने,  कूटनीतिक सम्बन्धका  पत्राचार  परराष्ट्रमार्फत'


    काठमाडौँ, असार । नेपाल सरकारले संयक्त राज्य अमेरिकाको स्टेट पार्टनरसीप प्रोग्राम (एसपिपी) अघि नबढाउने निर्णय गरेको छ । मन्त्रिपरिषद्को सोमबार बसेको बैठकले सबै सरकारी निकायहरुले कूटनीतिक सम्बन्धका विषयमा पत्राचार गर्दा अनिवार्यरूपमा परराष्ट्र मन्त्रालयमार्फत गर्ने निर्णयसमेत गरेको छ ।

    images

    यसैगरी बैठकले राष्ट्रिय समाचार समिति (रासस)को अध्यक्ष पदमा वरिष्ठ पत्रकार धमेन्द्र झा (धनुषा)लाई नियुक्त गर्ने निर्णय गरेको छ । सञ्चार तथा सूचना प्रविधिमन्त्री ज्ञानेन्द्रबहादुर कार्कीले सोमबारको मन्त्रिपरिषद् बैठकले गरेका निर्णयबारे आज मन्त्रालयमा पत्रकार सम्मेलन गरी सो जानकारी दिनुभएको हो । राससका नवनियुक्त अध्यक्ष झा नेपाल पत्रकार महासङ्घका पूर्व केन्द्रीय अध्यक्ष हुनुहुन्छ ।

    मन्त्रिपरिषद्ले बैठकले नेपालको शिक्षा क्षेत्रको विकास तथा विश्वसामु नेपाललाई चिनाउन पुयाएको योगदानको कदरस्वरुप जयपृथ्वीबहादुर सिंहलाई नेपालको राष्ट्रिय विभूति घोषणा गर्ने निर्णय गरेको सरकारका प्रवक्ता कार्कीले जानकारी दिनुभयो ।

    उहाँले नेपाल वायु निगमका कार्यकारी अध्यक्ष युवराज अधिकारीलाई नेपाल वायुसेवा निगम, ऐन २०१९ को दफा २० बमोजिम निलम्बन गरी निजउपर जाँचबुझको कार्य अघि बढाउने सरकारले निर्णय गरेको बताउनुभयो । सरकारले कोहलपुर–सुर्खेत १३२ केभी प्रसारण लाइन आयोजनाको लागि राष्ट्रिय वन क्षेत्र प्रयोग गर्न दिने पनि निर्णय गरेको छ ।

    मंगलबार, असार ७ २०७९१०:३७:१९

    डेमो खबर डेस्क

    सम्बन्धित समाचार