Logo

बिहिवार, कार्तिक ६ २०७७Oct 22 2020

images

अनसनरत डा. केसी र सरकारबीच ८ बुँदे सहमति : " डा केसीले अनसन तोडे"

अनसनरत डा. केसी र सरकारबीच ८ बुँदे सहमति : " डा केसीले अनसन तोडे"

आइतवार, आश्विन २५ २०७७

  • 1.6K
    SHARES

  • अनसनरत डा. केसी र सरकारबीच ८ बुँदे सहमति :  " डा  केसीले अनसन तोडे"

     

    काठमाडौं, असाेज । अनसनरत डाक्टर गोविन्द केसी र सरकारबीच सहमति भएको छ ।  शनिबार मध्यराति चिकित्सा शिक्षा सुधारको माग राख्दै २७ दिनदेखि सत्याग्रहमा रहनु भएका डा. गोविन्द र सरकारी वार्ता टोलीबीच ८ बुँदे सहमति भएको हो ।

    सहमतिमा अनशनरत डा. केसी र सरकारी वार्ता टोलीका संयोजक गोपी मैनालीले शनिबार मध्यरातमा सहमतिमा हस्ताक्षर गर्नुभएको छ । शनिबार नै अनसन तोड्ने सहमति भएको भए पनि डा. केसीले आज बिहान साढे ९ बजे २८ औं दिनमा अनशन तोडेका छन । 

    ८ बुँदे सहमतिमा सरकार र डा.केसीबीच कर्णाली स्वास्थ्य विज्ञान प्रतिष्ठानमा आगामी वर्षबाट एमबीबीएस कार्यक्रम संचालन गर्ने सहमति भएको छ । अन्यत्र २०८० फागुन १० भित्र पढाई शुरु गर्ने सहमतिमा उल्लेख छ ।

    यस्तै, विश्वविद्यालय र प्रतिष्ठानहरुमा पदाधिकारी नियुक्ति निष्पक्ष र पारदर्शी बनाउन उच्च शिक्षासम्बन्धी विधेयक र एकीकृत स्वास्थ्य शिक्षा प्रतिष्ठानसन्बन्धी विधेयकमा समेट्न तीन साताभित्र मस्यौदा बनाउने र कानूनी व्यवस्था नहुँदासम्म वरिष्ठता र कार्यक्षमताका आधारमा गर्ने सहमति भएको छ ।

    यस्तै, चिकित्सा शिक्षा ऐन संशोधनका लागि चिकित्सा शिक्षा आयोगले गठन गरेको कार्यदलको क्षेत्राधिकारमा डा. केसीबीच २०७५ साउन १० मा गरिएको सम्झौतालाई पनि राखिने छ ।

    डा. केसीले उठाउनु भएको देशमा भएका ठूला भ्रष्टाचारका काण्डमा संलग्नमाथि कार्वाही गर्नुपर्ने विषयमा भने ८ बुँदे सहमतिका कुनै बुँदामा उल्लेख छैन ।

    आइतवार, आश्विन २५ २०७७०७:३१:२०

    डेमो खबर

    सम्बन्धित समाचार