Logo

शुक्रवार, आश्विन ९ २०७७Sep 25 2020

images

“चिनौ अव जन्म भूमिलाई”

“चिनौ अव जन्म भूमिलाई”

सोमवार, भाद्र २२ २०७७

  • 381
    SHARES

  • “चिनौ अव जन्म भूमिलाई”
     
    हेर त पूर्व घामले हिमाल
    नुहाइ नै दिएको ।
    यसैले होला कुमारी बनि
    शैलजा हाॅसेको।।
    आमाको छाती रसाउँदा जल
    धरामा पोखियो
    माटोमा पर्दा त्यो जलमा अमृत
    बिरुवा रोपियो !
    धराले नयाँ काँचुली फेर्ने
    चाहना राख्दै छ !
    संसारमा सुन्दर बनौ कि भनि
    कामना गर्दै छ !!
    यो देशको मायाॅ कर्मको पन
    रोपेर गरौॅन।
    रहेमा भूमि रहन्छौॅ हामी यो
    कुरा बुझौॅन्।।
    उत्तर तिर हिमाल मेरो
    देशलाई चिनाउॅछ।
    दक्षिण तिर मैदान मेरो सुन
    बाला फलाउॅछ!!
    चट्टान फुटाइ फुल्दछ फूल
    पाखा र पर्वतमा।
    हिमाल छोडी बग्दछ नदी
    प्राण रक्षा गर्नमा।।
    मनको पन यो मेरो तन चन्द्र
    झै चोखो छ !
    पवन आइ मायाॅका मिठा
    भावना रोप्दछ!!
    नुहाऊँ बिहान म पवित्र जल
    या घामका किरणले !
    बाँचौहरपल यो देशको मायाँ
    या तिम्रो मायाँले !!
    लैजाने हो र बोकेर देशलाई
    हामीले काँधमा ?
    मिल्दैन लान केही पनि हाम्ले
    यो कुरा बुझौँ न!
    यसैले मिलौँ देश सुन्दर बनाऊँ
    कुरा यो बुझेर!
    देशलाई स्वर्ग बनाइ बसौँ
    यहिँ हामी रमेर !!
    एकता भाव देशमा रोपी
    आमालाई हॅसाऊॅ।
    मूटुको मायाॅ पोखेर धर्ती
    जगमग बनाऊॅ।।
    जे दिन्छौ तिमी धरालाई
    कर्म त्यै फल पाउॅछौ।
    जे गर्छौ तिमी असल कर्म
    त्यै भोग्न पाउॅछौ।।
    सहिदले शिर चढाए बली
    देशका खातिर ।
    वीरले ज्यान फ्यालेर गए
    नेपाली खातिर ।।
    मनले बुझी देशलाई हाॅसो
    दिएर जाउॅला ।
    मनका भाव बनाइ माला
    फूल उन्दै लाउॅला!!
    यो देश हाम्रो जीवनको नाशो
    अमुल्य गहना !
    शिरको ताज बनाइ देशको
    मुकुट लगाउँन् !!
     

    सोमवार, भाद्र २२ २०७७०६:०८:३९

    शोभा काफले खतिवडा

    सम्बन्धित समाचार