images
Logo

बुधवार, जेठ ४ २०७९May 18 2022

images

ओमिक्रोन : पर्यटन व्यवसायीमा थप्यो चिन्ता 

ओमिक्रोन : पर्यटन व्यवसायीमा थप्यो चिन्ता 

सोमवार, माघ ३ २०७८

  • 1.4K
    SHARES

  • ओमिक्रोन : पर्यटन व्यवसायीमा थप्यो चिन्ता 


    पोखरा, माघ । कोभिड–१९ को एकपछि अर्को लहर देखिन थालेपछि पोखराका पर्यटन व्यवसायी चिन्तित भएका छन् । खोपको सहजतासँगै विस्तारै चलायमान बन्दै गएको पोखराको पर्यटनमा कोभिडको तेस्रो लहर ओमिक्रोनको सङ्क्रमणदर बढ्न थालेपछि व्यवसायीमा चिन्ता थपिएको हो । 
    पछिल्लो समय निकै आशलाग्दो बनेको पोखराको पर्यटनमा ओमिक्रोनको बढ्दो दरले व्यवसायीलाई चिन्तित बनाएको पर्यटन व्यवसायीको छाता सङ्गठन पोखरा पर्यटन परिषद्का अध्यक्ष गोपीबहादुर भट्टराईले बताएका छन ।  
    उनले भने, “लामो समयपछि पोखराको पर्यटन चलायमान बन्दै गएको थियो, ‘माइस टुरिज्म’ र सडक महोत्सवले पनि आशा जगाएको थियो । पुनः तेस्रो लहर र सरकारका सूचनाले पुनः लकडाउने हुने संकेत गरेपछि चिन्तित बनाएको छ ।” 
    ओमिक्रोनका कारण मार्च अप्रिल महिनाका लागि हिमाल आरोहण, पदयात्रालगायत लागि बुकिङ भएका होटल पनि विस्तारै रद्द हुने सम्भावना बढ्दै गएको उनले बताए ।  
    पोखरामा अन्तर्राष्ट्रिय विमानस्थल निर्माण कार्यसँगै पर्यटन क्षेत्रमा व्यवसायीले निकै आक्रामक तरिकाले लगानी गरेको तर कोरोना त्रास र सरकारको पर्यटनमैत्री नीति अभावले सबै लगानी जोखिममा पर्ने चिन्ता व्यवसायीमा रहेको उनको भनाइ छ । 
    “सरकारले पर्यटनलाई उद्योगको मान्यता नदिँदा र पर्यटनमैत्री नीति नल्याउँदा यस क्षेत्रको लगानी जोखिममा हुने डर व्यवसायीमा छ”, भट्टराईले भने ।  सरकारले पर्यटन पूर्वाधारमा ध्यान नदिएको, व्यवसायीलाई प्रदान गर्न सकिने छुटमा तीनै तहका सरकार जिम्मेवार बन्न नसकेको साथै पर्यटन क्षेत्रका मजुदरका विषयमा पनि सरकारले कुनै कार्यक्रम ल्याउन नसकेको उनले गुनासो गरे ।  
    पर्यटन अर्थतन्त्रको बलियो आधार हुँदाहुँदै पनि सरकारले यस क्षेत्रलाई प्राथमिकतामा नराख्दा धैरै व्यवसायी यस क्षेत्रबाट पलायन हुने स्थिति आएको उनको भनाइ छ । भट्टराईले पर्यटन व्यवसायीका समस्याका बारेमा पटकपटक सरकारलाई ध्यानाकर्षण गराउँदा बेवास्ता गरेको र बजेटमार्फत आएको  पुनःकर्जा कोषको पूर्ण कार्यान्वयन नहुँदा सरकारप्रति व्यवसायीको धारणा सकारात्मक हुन नसकेको बताए । 
     प्रकृतिले वरदान दिएको शहर पोखरामा पर्यटकको बसाइ लम्बाउन र थप मनोरञ्जन प्रदान गर्न थप साहसिक गतिविधिमा जोड दिँदै आएको हाइग्राउण्ड एडभेन्चर नेपाल प्रालिका निर्देशक दिनेश महर्जनले पनि लगानी जोखिममा हुने हो कि भन्ने चिन्ता थपिएको बताए । 
    एकै थलोमा बञ्जी, जिपलाइन, सुपरम्यान जिपलाइन र पछिल्लो समय जायन्ट स्वीङ सञ्चालनमा ल्याएको जनाउँदै महजर्नले भने, “हामीले पछिल्लो समय साहसिक खेलमा लगानी निकै बढाएका छौँ तर पर्यटक आउने वातावरण छैन, एकपछि अर्को भेरियन्टका समाचारले चिन्तित बनाएको छ”, उनले आशावादी हुनुको विकल्प नरहेको भन्दै कोरोना छिट्टै हराएर पुनःपोखराको पर्यटनले गति लिने विश्वास व्यक्त गरे । 

    पोखरालाई साहसिक गतिविधिको शहरको रूपमा पनि चिनाउन आफूहरूले साहासिक खेल भित्र्याएको महर्जनको भनाइ छ । प्रालिले पोखरामा २०१२ देखि साहसिक खेल भित्र्याएको हो । उनका अनुसार साहसिक खेलका लागि चार युवाले २५ करोड लगानी भइसकेको छ । 
    होटल सङ्घ पोखरा नेपालका अध्यक्ष लक्ष्मण सुवेदीले चाडवाडपछि पोखराको पर्यटनमा निकै राम्रो चलायमान भएकोमा पछिल्लो भेरियन्टले शून्यतातर्फ झार्दै लगेको बताएका छन ।  
    “निकै राम्रो थियो दसैँ तिहारपछि प्रायः होटल ४० देखि ६० प्रतिशतको अकुपेन्सी थियो, लोकसेवाका परीक्षा, विभिन्न सङ्घसंस्थाको सेमीनार गोष्ठी, बैठक, पार्टीका अधिवेशनलगायत होटल बुकिङ राम्रो थियो, अहिले १० प्रतिशतभन्दा तल झरेको छ ।” उहाँले ओमिक्रोनका कारण पर्यटन प्रवद्र्धनात्मक कार्यक्रम ‘जाउँ है पोखरा’ पनि प्रभावित भएको बताए ।  

    images

     

    सोमवार, माघ ३ २०७८११:००:१२

    डेमो खबर

    सम्बन्धित समाचार