सोमवार, आश्विन ५ गते २०८३
सोमवार, आश्विन ५ गते २०८३
माओबादीबाट सहभागी दुई मन्त्रीले आज दिए राजीनामा
मंगलवार , जेठ २३, २०८०
बिराटनगर, जेठ । सत्ता गठबन्धनमा फेरबदलसँगै कोशी प्रदेश सरकारमा सहभागी माओवादी केन्द्र बाहिरिएको छ । सरकारमा माओबादीबाट दुईजना सहभागी थिए । ती दुई माओबादी मन्त्रीले पदबाट राजीनामा दिएका छन् ।
माओवादी केन्द्रले एमाले नेतृत्वको सरकारलाई दिएको समर्थन फिर्ता लिँदै सरकारबाट बाहिरिने निर्णय गरेपछि भौतिक पूर्वाधार विकासमन्त्री दुर्गाप्रसाद चापागाईं र पर्यटन, वन तथा वातवरणमन्त्री जीवन आचार्यले पदबाट राजीनामा दिएका हुन् ।
उनीहरुले मुख्यमन्त्री हिक्मतकुमार कार्कीलाई राजीनामा बुझाएका छन् । उनीहरु गत पुस २५ गते मन्त्री नियुक्त भएका थिए । माओवादीबाट चापागाईंले पार्टीको नेतृत्व गरेर मुख्यमन्त्री कार्की नेतृत्वको सरकारमा गएका थिए ।
बदलिएको राजनीतिक परिस्थित कारण देखाउँदै माओवादी केन्द्र कोशी प्रदेश सरकारबाट बाहिरिएको हो ।
